Փոքրիկներին և նրանց ծնողներին անհնագստացնող ֆունկցիոնալ խանգարումների լուծումը. կայացավ «Ալպեն Ֆարմա» ընկերության գիտագործնական կոնֆերանսը

Հոկտեմբերի 23-ին Արմենիա Մարիոթ հյուրանոցի Տիգրան Մեծ սրահում կայացավ «Ալպեն Ֆարմա» ընկերության գիտագործնական կոնֆերանսը` նվիրված վաղ հասակի երեխաների մոտ հիմնական գործառույթային խանգարումների շտկման ժամանակակից եղանակներին:

Կոնֆերանսի մանրամասների մասին զրուցեցինք «Ալպեն Ֆարմա» ընկերության միջազգային բաժնի ղեկավար Ալեքսանդր Ուսովի հետ:

−   Ի՞նչ թեմաներ քննարկվեցին այս գիտագործնական կոնֆերանսին:

−   Ալպեն Ֆարմա ընկերությունը Հայաստանում ներկայացնում է գերմանական DHU դեղագործական ընկերության բրենդ դեղամիջոցները: Կոնֆերանսը նվիրված էր ընկերության  դեղերի նոր շարքին, որն ուղղված  է փոքրիկների առողջությանը: Դրանք օգնում են փոքրիկներին ադապտացվել  ամենակտրուկ փոփոխություններին:  Մանկական այս շարքի մջոցները բացարձակապես անվտանգ են և  կարելի է կիրառել երեխայի հենց ծննդյան օրվանից:

−   Ներկայացրեք, խնդրե՛մ, «Ալպեն Ֆարմա» ընկերությունը:

−   «Ալպեն Ֆարման» տեղեկատվական- դիստրրիբյուտորական ընկերություն է, որի կենտրոնը գտնվում է Շվեյցարիայի մայրաքաղաք Բեռնում: Մենք շուկայում ենք 1997 թվականից: Ալպեն Ֆարման գործում է մոտ 24 երկրներում և առավել տեղայնացված է եվրոպական տարածաշրջանում: Մեր ներկայացրած դեղամիջոցները մեկ ընդհանուր գիծ ունեն.  անվտանգ են և արդյունավետ: Ընկերության կարգախոսն է. «Հանուն առողջության»:

−   Ո՞ւմ հետ է համագործակցում ընկերությունը և զբաղվո՞ւմ է արդյոք արտադրությամբ:

−   Հիմնական գործունեությունը համաշխարհային ընկերությունների արտադրանքի առաջխաղացումն է:  Գործընկերներից հարկ եմ համարում առաձնացնել հատկապես գերմանական DHU դեղագործական ընկերությունը, որը ներկայացնում ենք գրեթե բոլոր երկրներում, որտեղ ներկայացուցչություն ունենք: Ընկերության փաթեթում բրենդային դեղամիջոցներ են, ինչպես օրինակ` Ցինաբսինը, Կլիմակտոպլանը, Ինֆլուցիդը: Ունենք նաև սեփական արտադրություն Գերմանիայում, արտադրում ենք ֆիտոմիջոցներ, բրենդային միջոցներ, ինչպես՝ Պրոստամեդը (շագանակագեղձի բորբոքումների դեմ), Գաստրիտոլը (աղեստամոքսային տրակտի խանգարումների դեմ): 

Կոնֆերանսին զեկույցով ելույթ ունեցավ Թբիլիսիի պետական բժշկական համալսարանի  մանկաբուժության ամբիոնի պրոֆեսոր Քարաման Պագավան, ով մեզ հետ զրույցում ներկայացրեց կոնֆերանսի բնույթն ու  իր զեկույցի թեման:

−   Պարոն Պագավա, ողջունում եմ Ձեզ Երևանում: Խոսենք կոնֆերանսի բուն թեմայի և, հատկապես, Ձեր զեկույցի մասին:

−   Ինձ համար մեծ պատիվ և հաճույք է՝ լինել Երևանում: Առաջին անգամ այստեղ եղել եմ 45 տարի առաջ: Հուսով եմ՝ ավելի հաճախ առիթներ կունենամ այստեղ գտնվելու: Կոնֆերանսին իմ զեկույցը նվիրված է վաղ հասակի երեխաների ֆունկցիոնալ խանգարումների վերացմանը:  Մանկահասակ երեխաների մոտ լինում են իրավիճակներ, երբ չկա ձևավորված հիվանդություն և նրան հաջորդող հետևանքներ, սակայն նկատելիորեն վատթարացնում են ինքնազգացողությունը, ինչպես օրինակ, ատամների դժվար ծկթումը, փորիկում գազիկների առկայությունը և այլն: Այո, սրանք  ֆունկցիոնալ խնդիրներ են, սակայն զգալիորեն անհանգստացնող են և՛ երեխայի, և՛ ծնողների համար: Առաջնեկի դեպքում ծնողները հիվանդագին են տանում նման գործընթացները, և հենց այս պարագայում ենք պարտավորված զգում մեզ՝ թեթևացնել նրանց հոգսը:

Ամենատարբեր հոգեբանական աջակցությունից զատ, այսօր լայնորեն և արդյունավետորեն կիրառվում են հոմեոպաթիկ միջոցները, որոնք միաժամանակ նաև անվտանգ են: Լինում են դեպքեր, երբ ծնողներն անգիտակցաբար, ոչ ընտրողաբար են վերաբերում դեղերին՝ հաշվի չառնելով մանկական պրակտիկայում նրանց կողմնակի ազդեցությունները: Անկախ գերլարված իրավիճակից, պետք է հիշել, որ երեխաների դեպքում դեղը հարկ է ընտրել նախևառաջ չվնասելու սկզբունքով. եթե ոչ արդյունավետ, ապա գոնե՝ անվտանգ: Հենց այդպիսի դեղամիջոցներ է ներկայացնում «Ալպեն Ֆարման». բարձր արդյունք՝ զերծ  կողմնակի ազդեցություններից:

Թե հատկապես ինչ միջոցներ է առաջարկում գերմանական DHU ընկերությունը երեխաների ֆունկցիոնալ խանգարումների շտկման համար, պարզեցինք DHU ընկերության միջազգային բաժնի տնօրեն Գեորգ Շմիդտից:

−   Պարոն Շմիդտ, երեխաների մոտ ֆունկցիոնալ խանգարումների շտկման ինչ միջոց է առաջարկում ընկերությունը:

−   Այսօր մենք ներկայացրեցինք դեղերի բոլորովին նոր խումբ՝ երեխաների համար: Նրանք յուրօրինակ են և համաշխարհային դեղաշուկայում դեռևս չունեն մրցակիցներ: Բացարձակապես անվտանգ դեղերի այս շարքը կիրառելի է անգամ նորածին երեխաների մոտ առաջացող խնդիրների դեպքում: Օրինակ, Դենտոքինդը կիրառվում է ատամների հայտնվելուն զուգահեռ, ինչը դարձնում է գործընթացը պակաս ցավոտ, և ընդհանրապես, վերացնում ատամների ծկթման հետ կապված բոլոր ախտանիշները: Ուշադրության է արժանի Դորմիքինդը, որն օգնում է երեխաներին՝ ճիշտ ու լավ քնել, հատկապես քնի այնպիսի խանգարումների դեպքում, երբ երեխաները «խառնում են» ցերեկը և գիշերը: Այս խնդրի շուրջ սիրում ենք կատակել. թե սա միջոց է ծնողների համար, միայն թե այն խմում են երեխաները: Իմունոքինդն օգնում է ճիշտ և ամուր ձևավորել երեխայի  իմունային համակարգը, Քինդինորմը կիրառվում է հիպերակտիվ երեխաների դեպքում և այլն: DHU-ն աշխարհում ամենախոշոր դեղարտադրող ընկերություններից է, որի  դիստրիբյուուտորական աշխատանքներով շատ երկրներում, ինչպես նաև Հայաստանում զբաղվում է «Ալպեն Ֆարմա» ընկերությունը: 

«Ալպեն Ֆարմա» ընկերության հայաստանյան ներկայացուցչության տնօրեն Լուսինե Գրիգորյանը ներկայացրեց ներկայացուցչության գործառույթները Հայաստանում:

«2012թ. դեկտեմբերին  Հայասանում բացվեց «Ալպեն Ֆարմա» ընկերության հայաստանյան ներկայացուցչությունը, որը զբաղվում է հայտնի դեղագործական ընկերությունների ներկայացուցչությամբ և մարքեթինգով: Մեր գործունեության հիմնական ուղղությունները մանկաբուժությունն է, քիթ-կոկորդ-ականջաբանությունը և գինեկոլոգիան: Նպատակ ունենք ընդլայնելու դեղացանկը. ներկայում մի շարք գերմանական արտադրության դեղամիջոցներ գրանցման փուլում են:

Ներկայում մեր աշխատանքային սահմաններն ընդլայնվում են դեպի մարզեր»:

Հարցեր, պատասխաններ, մեկնաբանություններ